حركاات البنات في الحصه

اول ما تبدا الحصه



" مس ما فهمت الدرس "
اكيد ما فهمتيه هذا من الهذرة والسوالف والسرحان والضحك بالحصة



" مس .... ممكن اروح الحمام ؟؟؟ "
يعني ما افتكرتي الروحة الا الحين ........ بعد الحصة روحي .. انتوا مثل اليهال رايحين يايين على الحمام



" مس ممكن تعيدين اللي قلتيه ما سمعته "
اكيد ما سمعتي ..... انتي وربعج بس تسولفون ...... شلون بتسمعون ؟



" مس ممكن اشرب ماي ؟ "
يعني ما صرتي عطشانة الا الحين ... احسن خليج عطشانة ليما تسولفين وتهذرين




" مس منهجنا صعب ...... خططيلنا على الكتاب "
ترد عليهم المدرسه 3 ردور
اول شي اخططلكم !!! يهال انتوا ؟؟؟
ثاني شي انتوا صرتوا كبار ........ بصف (...) لازم تخططون حق أنفسكم
ثالث شي ما في تخطيط .... كل شي معاكم احفظوا



" مس دفتري ضايع ....شنو اسوي ؟؟؟ "
في هذي الحاله المدرسة ترد عليها
الرد الاول : هاه ... نعم ؟؟؟ وشنو تسوين ؟؟؟ شنو تبيني اروح بيتكم و ادور عليه ؟؟؟ الا انتي دوري علية وانا شنو ذنبي ان ضاع ؟؟؟ انا اللي ضيعته ؟؟؟
الرد الثاني : لالا ... الحمد لله ... ما عندي دفاتر بمكتبي انا دزيتلكم كل الدفاتر ذيك المره
الرد الثالث : ترى أن ما لقيتي دفترج ... راح تعيدينه كله من اول بالكامل



" بنت تمسح اللوح .. وبعد ما خلصت ....مس ممكن اغسل ايدي "
انا اعرفكم يا بنات ....تبون تتهربون من الحصة لا يا حبيبتي ما في طلعه أخذيلج كلينكس



" مس ... الجو حار مووت ما نقدر نستوعب ..... المكيف خربان "
شنو شايفيني انا المصلح اللي يصلحلكم المكيف ؟؟؟ روحوا الادارة وقولولهم ...يلا لا تضيعون حصتنا



" مس في نمله تحت الدرج "
اصلا النمله تخاف منكم ... يلا بلا تضيع وقت .. خلونا نكمل شرحنا ..بس علشان نمله صغيره مسويين قصة



" مس ... الشمس على عيونا ممكن نسكر الستاير؟ "
لا خلوها احسنلكم الشمس مفيده لكم



" مس ... صراحة .... الامتحان كان وايد صعب "
سكتوووا ما في أحد طلب رايكم




" مس في حصة فراغ الله يخليج .. طلعينا بره"
مينونه انا اطلعكم ؟؟؟ علشان تسوون ازعاج تزعجون الصفوف بعدين الناظرة ما ترضى




" مس انا تعبانه .. وديني حق المشرفه "
ميخالف ... لاتشاركين معانا ... بس استمعي او حطي راسك على الدرج وخذي غفوه ونامي




" الطالبه بتسأل سؤال بسيط مس ندرس من الدفتر ولا من الكتاب؟؟؟ "
تتحول ملامحها المدرسة الى شر وتقول من الاتنين




" مس ممكن نفتح الباب ؟؟؟ "
لا علشان تتفرجون على صحباتكم خللي مسكر علشان تنتبهون للدرس





شو رايكم


اتريا الردووووووووووووود